transazion /-òn/ trans|a|zi|on [CO, TS]
- s.f. dir. acuardi acetât di dôs o plui parts in mût di evitâ une controversie
- s.f. econ. passaçs o scambi di bêçs, bens, valôrs: si previodin almancul 145-215 mil miliarts di liris spindûts midiant transazions eletronichis tra aziendis tal 1999 (Dree Mistrut, La gnove frontiere dal cuistâ: il cumierç eletronic); la Italie e reste un colòs de produzion che tai agns al à viodût a colâ a tocs il marcjât interni e duncje e risierve al cumierç cul forest une cuote simpri plui penze des sôs transazions (Walter Tomada, Economie sdrumade. Tant che un secont taramot)