tossi
/tò-/
to|ssi
[AF]
-
v.intr.
butâ fûr aiar de bocje cuntun moviment convulsîf:
al passave lis gnots in senton a tossi, a sbolseâ fin a spudâ sanc (Alan Brusini, Come tai romançs);
[il frêt] i cjoleve il flât e la faseve tossi di scjassâi il stomi (Pieri Somede dai Marcs, Nardon e Vigjute di Nani);
la cjamare e jere plene di fum e un odôr di stiç che al faseve tossi (Pieri Menis, Lis leiendis di Buie)
Var. tossî
-
v.tr.
butâ fûr dai polmons, dal cuel o de bocje cuntun moviment convulsîf:
[la aghe] i jentrave tai polmons fasintlu tossi sanc (Sandri Di Suald, Ah! la provincie)
-
v.intr.
(fig.)
di motôr, vê cualchi zîr cun moviment e cun combustion iregolârs:
la veture e leve plancut da rive jù. E veve tossût un pôc tal lâ in moto, ma cumò e bruntulave slisse (Alan Brusini, Gian Paolo Linda, I forescj)
-
v.intr.
(fig.)
frontâ une fadie, une soference:
e varà ce tossi cun chel cristian, la Fiorine! (Maria Forte, La tiere di Lansing)
Proverbis:
- al è miôr sudâ che no tossi
- miôr sudâ che no tossi