Dizionari de Lenghe Furlane

tortorele  /-rè-/  tor|to|re|le  [CO]

1. s.f. ornit.com. uciel de famee dai columbidis, lat. sient. Streptopelia turtur:  plovisine lizerine, / ven cun me da une altre bande; / une biele tortorele / e ti brame, e ti domande: / vele vele chê ninine, / chê ninine benedete, / che saltuce, che svolete, / fin che rive su la cime / di chel poul par jessi prime / a vignîti a saludâ (Pieri Çorut, La plovisine)
   Sin. tortul¹
2. s.f. ornit.com. uciel de famee dai columbidis, caraterizât di mieç zîr di colôr scûr daûr dal cuel, lat. sient. Streptopelia decaocto o Streptopelia risoria:  e cjalave di là dai veris lis tortorelis che a svoletavin tor il cuviart di une cjase dongje, si poiavin sul cjamin, a balinavin sui cops, a petavin il svual (Jolanda Mazzon, Cungjò Friûl)
3. s.f. [CO] persone pure e inocente:  "Ah, cjalait, biele chiste! La cjamese di mio marît! Cui isal stât a dâtile? Par tignî cont di mio marît soi ca jo." "Ma jo no orevi mingul..." "Za... za... no tu orevis! Pure tortorele, che orès consolâsi cul imblecâ la sô cjamese" (Maria Gioitti del Monaco, Arbe mate)
   Sin. colombe , colombine , colombute