titolâr
ti|to|lâr
[CO]
-
adi., s.m.
[TS]
dir.
cui che al à un dirit subietîf:
i sogjets obleâts al viersament a saran i proprietaris dai imobii o cui che al sedi titolâr di un dirit reâl di gjoldiment (Mariannina Rocco, TASI: ce che e je e cemût che si paie)
Var. titulâr
-
adi., s.m.
che, cui che al fâs une funzion o une profession par vie che i tocje di dirit, par vie che e je sô in maniere uficiâl e definitive:
dal 1939 fin ae muart, al è titolâr di letaris tal istitût magjistrâl "Caterina Percoto" di Udin (Redazion La Patrie dal Friûl, Josef Marchet)
-
cui che al è paron di une dite:
o ringraziin i titolârs de ostarie di Cjampfuarmit (Redazion La Patrie dal Friûl, La Patrie dal Friûl a Cjampfuarmit cul "Tratât di Lisbone")
-
adi., s.m.
[CO, TS]
sport
tai sports di scuadre, atlete che al è selezionât tant che prime sielte dal alenadôr o che in ogni câs al è te formazion iniziâl di un incuintri:
Juric al conferme la plui part dai titolârs che a vevin zuiât cuintri dal Genoa, fale che pal infortunât Saelemaekers, che al lasse il puest a Celik (Marc Stolf, Roma - Udinese 3-0)
-
adi., s.m.
divinitât, entitât sacre o sant che i è dedicât un lûc o un ogjet sacri:
al è duncje cun gust che o ai acetât di presentâ lis "Furlanadis", che il "Circul culturâl Cjavalì Doi mil" al mande fûr in ocasion de fieste dal titolâr sant Lenart (Antoni Beline, Cul voli pevarin dal catùs);
S. Vît, S. Zuan e S. Pieri, che lis lôr fiestis a jerin tant seguidis tes localitâts li che chescj a jerin titolârs di plêfs, di glesiis o di capelis (Mario Martinis, Il grant lunari dal Friûl. Jugn)
Var. titulâr
-
che si riferìs a chê divinitât, entitât sacre o a chel sant che i è dedicât un lûc o un ogjet sacri:
Assunzion de Madone - Aquilee: fieste titolâr de Basiliche (Redazion SFF, Il Strolic furlan pal 1938)