Dizionari de Lenghe Furlane

timbri  tim|bri  [CO]

1. s.m. imprest a pression cun figuris e scritis che si dopre par segnâ documents:  il steme dal comun [di Tapoian] e i timbris a ripuartin une muraie (Gianluca Comar, Discolçs, des roiis a la Tor)
   Sin. bol¹
   
   1. segn lassât di chel imprest:  «E chescj timbris, ce sono?» al disè mostrant une pagjine dal passepuart (Franco Marchetta, Il numar 1089)
      Sin. bol¹
2. s.m. [TS] mus. cualitât dal sun che e permet di distingui suns che a àn altece e intensitât compagnis ma che a àn armonics diferents:  [...] dificultât di savê, par esempli, cualis che a jerin lis sonoritâts e lis consistencis des orchestris dal passât, cuâi i timbris dai varis struments, cuale che e jere la levadure tecniche dai strumentiscj (Federico Vicario, Vere o no vere. Lis radiosenis di Renato Appi su lis superstizions popolârs dal Friûl di soreli a mont)
3. s.m. cualitât di sun de vôs:  la artiste e emozione il public cun lis peraulis poetichis e pe rare intensitât e timbri de so vôs (Moira Pezzetta, "Aspettando il sole" di Nicole Coceancig)
4. s.m. cualitât carateristiche di cualsisei element, che e permet di assegnâlu a une categorie:  la sculture dai prins dal secul e à ancjemò il timbri dal Votcent, cul recupar dai valôrs de classicitât (Bepi Agostinis, Storie de art in Friûl)