teoreme /-rè-/ te|o|re|me [CO, TS]
- s.m. filos., mat., sient. enunziât che al pues jessi dimostrât in maniere dedutive su la fonde di altris enunziâts za dimostrâts: notìn che di chest teoreme [di Heine-Borel] al ven fûr che ogni insiemit sierât e limitât di R al è compat (Matteo Fogale, Emanuele Paolini, Une introduzion ae analisi matematiche)
- s.m. interpretazion dai fats che e individue un leam tra di lôr: teoremis [politics] che a somein plui che altri dogmis e che a tegnin cont dome di une part de realtât (Marc Stolf, Barcelone 9/11, Parîs 13/11, Europe 2015. E pal 2016?)