tende
/tè-/
ten|de
[AF]
-
s.f.
tiessût pal solit retangolâr che si met par dentri di un barcon o di une puarte o devant di alc par no fa jentrâ masse lûs o par no lassâ viodi ce che al è daûr:
ducj i barcons dal cjistiel, scûrs difûr e veris di dentri, a jerin vierts, spalancâts, tant che l'aiar al jentrave cun dute libertât, svintulant tendis e festons come par un zûc mataran (Pieri Menis, La int);
mi clame subit mê none e mi domande di picjâi lis tendis, stant che jê e à mâl di schene e pôre di colâ de scjale (AAVV, Sul florî)
Cfr. tendine
, coltrine
, lombardine
, buinegracie
-
s.f.
ripâr che si pues montâ e dismontâ, fat di telis tignudis sù di pâi o bachetis, doprade tant che cjase di cierts popui o di ripâr o abitazion provisorie di militârs, esploradôrs, escursioniscj, turiscj e v.i.:
dopo tantis fadiis e tantis sostis al rivà sul puest di medicazion: dôs tendis tune valete intor di un groput di pins (Riedo Pup, Viliacco);
[par vie dal taramot] lis cjasis, dibot dutis, a jerin cence cuvierts e tal paîs no si sintive nissune vôs. Te plaçute a jerin grums di maseriis. La int e viveve tes tendis, tant che un popul antîc (Agnul di Spere, Une dì de tiere)