telegrafic /-à-/ te|le|gra|fic [CO]
- adi. dal telegraf, fat cul telegraf, che al à a ce fâ cul telegraf, cu la trasmission a distance di messaçs, in gjenar cun impuls eletrics curts e luncs: daûr di une letare anonime, Giordano, Frausin e Marchi a varessin progjetât di taiâ il cabli telegrafic e cirût di scjampâ (Donato Toffoli, Felix Marchi, un soversîf te "Grande Vuere")
- adi. (fig.) une vore curt, scrit o dit in pocjis peraulis: esauride cheste panoramiche telegrafiche dal durâ dal insium di Camillo [...] o passi a sostignî la sô atualitât e recuperabilitât intal caos neomediatic di vuê (Mario Turello, Il brevet)