tatiche /tà-/ ta|ti|che [CO, TS]
- s.f. milit. dissipline, tecniche militâr che si met in vore tun combatiment di estension spaziâl e temporâl limitade, maniere di puartâ indenant une bataie: [...] elements che, adun cul possès di armis e cul ûs di tatichis militârs za provadis sul cjamp, dal sigûr a àn dât un contribût no di pôc ancje intes zornadis dal riviel (Carli Pup, Il Friûl de Joibe Grasse dal 1511)
- s.f. sport, zûcs maniere di puartâ indenant un confront sportîf o un zûc: sielzi i zuiadôrs plui in forme di meti in cjamp, sielzi lis tatichis pes partidis, decidi cemût alenâ i zuiadôrs (Davide Francescutti, Ducj managers di balon, cun Hattrick)
- s.f. (fig.) sisteme o maniere di cirî di otignî un risultât, pal solit intun setôr limitât e in pôc timp: zornadis di umiliazions che lu obleavin a pitocâ la tace dal vin, a chel o a chel altri, ma nancje la tatiche dal fâ dûl no le a lunc che ancje i amîs o cognossints si stufarin (Roberto Ongaro, Cretevierte); la tatiche solite di domandâ 100 (la indipendence) par vê 10 (plui autonomie) (Sandri Carrozzo, Catalogne: isal un vêr referendum pe indipendence?)