tatic /tà-/ ta|tic [CO, TS]
- adi. milit. de tatiche, de maniere di puartâ indenant une bataie, de dissipline, de tecniche militâr che si met in vore tun combatiment di estension spaziâl e temporâl limitade
- s.m. milit. cui che al è espert tal puartâ indenant une bataie o che al à la responsabilitât di puartâle indenant
- adi. sport, zûcs de maniere di puartâ indenant un confront sportîf o un zûc: il prin timp al tache cuntune vore di atenzion tatiche di une bande e di chê altre (Marc Stolf, Udinese - Roma 1-2)
- adi. (fig.) che al cîr di otignî un risultât, pal solit intun setôr limitât e in pôc timp: chês posizions de leç che noaltris autonomiscj o critichìn a son sieltis tatichis par impedî che lis oposizions internis dal so partît o di altris partîts a continuedin a fermâ ogni progrès dal dibatiment parlamentâr (Adrian Cescje, Memoriis di politiche linguistiche)