tampon /-òn/ tam|pon [CO, TS]
- s.m. med. toc di garze o di bombâs che si presse suntune feride par stagnâ une emoragjie o che si passe par netâ e disinfetâ
- s.m. med. bachet cuntune ponte di bombâs o altri materiâl par racuei piçui campions di materiâl organic di analizâ: lu svilupin e lu difondin [il Covid-19] cence rindisi cont. No mostrin segnâi de lôr cundizion, ma cu la prove dal tampon e vignarès fûr la veretât (Walter Tomada, La euroregjon asintomatiche)
- s.m. toc di garze, bombâs, fibris o altri materiâl che si dopre in plui lavôrs par dâ sù licuits, vernîs, ceris e v.i. o par suiâju: cualchidun altri veve tacât par lui la machine e preparât il tampon dal lustri e i tocs (Zuan Morsan, Zovin di lune)
- s.m. mec. toc di metal cuntun cjâf plui o mancul plac montât, pal solit in cubie, tes estremitâts di locomotivis, vagons, trams e v.i. in mût di parâ e assorbî il colp di doi veicui che si tocjin