talian
/-àn/
ta|li|an
[FO]
-
adi.
de Italie:
valôrs une vore impuartants che a fasin dal turisim un dai setôrs di ponte, se no il principâl setôr produtîf, de economie taliane (Attilio Celant, Il rûl economic dal turisim in Italie);
il Friûl al presente une cundizion e une fisionomie nete […] tant in confront des regjons talianis come di dutis chês altris (Josef Marchet, La nestre lenghe)
Var. italian
-
che, cui che al è nassût o che al è a stâ in Italie, ancje cun esclusion dal Friûl:
tra dute la int lade alì a lavorâ, i talians a àn dât un contribût impuartant ae trasformazion de culture materiâl belgjiche (Francesco Micelli, La emigrazion dal Friûl - Vignesie Julie te Belgjiche);
intant che o fasevi la malte pai muredôrs, li, difûr de puarte, mi viôt a capitâ dongje il talian des tassis (Josef Marchet, Lis predicjis dal muini);
lu clamin il Talian, ma al à za imparât a fevelâ come nô. Dome ogni tant, se si smole, al torne al so lengaç (Maria Forte, La tiere di Lansing)
-
adi., s.m.
lenghe neolatine orientâl derivade dal toscan, uficiâl in Italie, a Sant Marin e in Svuizare:
il talian in pratiche nol à morfologjie pe declinazion (formalmentri al ten par so cont par nons e adietîfs dome il numar e il gjenar), ma la morfologjie verbâl e je siorone (Vladimír Petkevič, trad. di Zorç Cadorin, Corpus linguistics);
"Chel li nol sint reson: ni par furlan, ni par talian, ni par todesc…" (Alviero Negro, Int di masnade)
-
materie di insegnament relative a cheste lenghe e a la sô leterature, ancje cu la iniz. maiusc.:
mi mendave lis mês traduzions di latin, mi insegnave la storie e la gjeografie, mi viodeve i compits di talian (Carlo Sgorlon, Il dolfin)
-
adi.
(ster., spres., iron., scherç.)
caraterizât di confusion, pocje eficience, pocje onestât e v.i.:
e se la Italie e je restade fiscalmentri taliane, o podês crodi trop talians che a son restâts i talians, che za par cont lôr a sintivin di chê bande une invincibile vocazion (Riedo Pup, Par paiâ al vûl mistîr);
"Tai ultins timps o stin deventant un pôc talians" (Christian Romanin, Dino Zoff: «O vin lidrîs buinis, o vin di tignîlis di cont»);
cuintri des leçs e des sentencis e varès di valê la regule dal "fatto compiuto"… ae taliane vie (Marc Stolf, Al è un judiç a Berlin. E a 'nd è un ancje a Rome)
-
s.m.
dome sing., regjon de Italie, zone dulà che a vivin talians e dulà che si fevele par talian:
a cjase, di fruts a rispuindi messe, di frutats a cjantâ in coro; fûr di cjase, massime tal talian, dome risiis e dome sporcjetâts (Josef Marchet, Lis predicjis dal muini)
Sin. Italie