tacadiç
/-ìç/
ta|ca|diç
[AF]
-
adi.
che al à tindince a tacâ o a tacâsi, tant che une cole:
i cjavei tacadiçs di sudôr (Maria Forte, Il bal spisimât des ombrenis);
o finìs cul mangjâmi une pastesute flape, tacadice tant che la cole e cuinçade cuntun ragù frêt e agadiç (Alan Brusini, Gian Paolo Linda, I forescj)
Sin. colôs
, viscôs
-
s.m.
sensazion dade di ce che al tache o che si tache:
e sintì a colp tes mans il tacadiç des lagrimis (Dino Virgili, La massarie)
-
adi.
(fig.)
ancje di alc di imateriâl, che al reste tacât intor, che no si dislontane:
chest lancûr tacadiç che ai intor (Margarite Cogôi, Cjicare blu);
di matine prime dal cafè neri, cu la sium tacadice te vôs e su la muse, tal clâr dal barcon, su la ante di une puarte spalancade, lis sûrs si contavin i lôr siums (Alan Brusini, Come tai romançs)
-
adi.
(fig.)
di cdn., che al è simpri intor e che al da fastidi cence molâ:
«Bundì Ulive» le saludà Pine. «Bundì, bundì» i rispuindè jê cence dâi seont par che e spesseàs a distrigâsi, che e saveve cetant tacadice che e jere se e disniçave un discors (Maria Forte, La tiere di Lansing)
Sin. peolon
, peolot
