svantâ
svan|tâ
[CO]
-
v.tr.
presentâ alc tant che un motîf di braùre:
no crodi par chel che si vueli, chi, svantâ il fat che nome i furlans a fasin il soldât. No: il soldât lu fasin ducj (Riedo Pup, Soldât jo mame!);
studiâts che a podevin svantâ plui di cualchi lauree (Angelo Floramo, Ricart e Gjenio, furlans cuintri in non di chei altris)
Sin. vantâ
-
v.tr.
fâ valê un dirit, un volê, une pretese e v.i.:
[...] par cumò a lui i bastave deliberâsi di jê e di lôr dôs, ma dopo al sarès vignût a svantâ pratesis (Jolanda Mazzon, Fûr di timp);
o soi lât a rincurâ lis firmis dai puars e mi àn sintût a svantâ i nestris dirits par dutis lis ostariis dal contor (Alviero Negro, Int di masnade)
Sin. vantâ