suste
sus|te
[AF]
-
s.f.
mecanisim elastic, pal solit fat di metal pleât, che se al ven tirât o fracât e dopo molât al torne a cjapâ la forme e la estension che al veve prime:
cuatri cjadreis imbotidis e cu lis sustis (Roberto Ongaro, Il muc)
-
(meton.)
tal pl., materàs cu lis sustis:
no si contentà dal paion e al comprà lis sustis, che a jerin une vore miôr (Maria Forte, Il progrès di Massimo peçotâr);
jo pensi a la mê cjamere cuiete / là che o duar i miei siums in sante pâs / fra il mulisit des sustis e de plete (Enrico Fruch, Avrîl, II)
-
mecanisim elastic di precision che al ven cjariât di une tension che dopo al libere in maniere regolâr, par esempli par fâ zirâ lis speris di un orloi:
pre Pitin al tacave a lis cinc a fâ un cancan indiaulât, par dismovi pre Agnul: al cjamave la svearine di fâ saltâ la suste e le faseve sunâ di sturnî dut il circondari (Antoni Beline, Pre Pitin);
l'orloi al si dismôf e si distint prime une suste, la suste dal cucuc, e po si sint a discjariâsi di galop ciertis aruedis inruzinidis, che corin corin sence fermâsi plui (Giovanni Gortani, La teme - Une gnot intun cjastiel)
-
s.f.
(fig.)
origjin di une energjie, di une dinamiche, di une reazion e v.i.:
cheste volte la idee federaliste e à ancjemò mancul pussibilitât di rivâ in puart, parcè che in chest moment la suste che le sburte e je nome la pôre (Josef Marchet, Federazion europee tra nazions o tra regjons?);
o vin bisugne di fâ capî che la autonomie speciâl no dome no je sorpassade ma che e rapresente la suste par un vêr disvilup des comunitâts regjonâls (David Zanirato, Lezions di Autonomie edizion 2017)
Polirematichis e espressions idiomatichis
Proverbis:
- la suste simpri tirade e piert la fuarce