suspiet
/-èt/
sus|piet
[AF]
-
s.m.
suposizion su alc o su cdn., soredut negative, che si fonde su sensazions o su indizis, ma che no je provade:
plui l'ispetôr al pensave e plui si convinceve che i trois dai siei suspiets a menavin ducj intun sît: là di Checo, il cjaliâr (Roberto Ongaro, Cretevierte);
il suspiet plui grâf al jere che Cavedalis al ves conciertât cui imperiâi no dome i articui de capitolazion, ma ancje al ves colaborât a preparâ la liste dai sbandîts (Giovanni Pillinini, Zuan Batiste Cavedalis - Une vite esemplâr)
Var. sospiet
-
atitudin, disposizion psicologjiche o sensazion di cui che al fâs suposizions, soredut negativis:
al jere bielzà in suspiet dal parcè di dute chê sene (Gianni Gregoricchio, Îr e doman);
a reagjissin cun suspiet a dut ce che ur ven, e ur ven imponût, dal forest (Alviero Negro, Int di masnade)
-
indizi, ancje positîf:
ce mai i podevial jessi sucedût? Cualchidun di chei internâts si saveve che a jerin tornâts, ma di Vigjute nancje un suspiet che al fasès sperâ (Pieri Menis, Sul agâr)
-
adi., s.m.
[BF]
che, cui che al dismôf difidence, che al prodûs dubis, che si pues crodi che al sedi colpevul di alc di ilegâl o in ogni câs di brut:
al pâr di un vêr galiot; / sofrî la nêf, la glace, / zirâ sù e jù pe place / ogni ore, ogni minût / cu la pôre di jessi cjapât sù / e mitût in preson, / cuâl figure suspiete / che cjol la pâs al mont e la cuiete (Pieri Çorut, Pes gnocis Fabris-Bearç);
une des primis operazions che si fasevin par ogni paîs e jere chê di internâ ducj i suspiets (Carli Pup, La seconde Irlande)
Sin. suspietât
, suspietôs
Proverbis:
- cui che al è in difiet al è in suspiet
- cui che al è in suspiet al è in difiet