supiere
/-iè-/
su|pie|re
[CO]
-
s.f.
recipient ingjavât par meti la mignestre par plui personis e servîle in taule:
a jerin in taule, cu la tavuaie blancje lavorade, i plats, la supiere de mignestre (Eugjeni Marcuç, Liende a Sant Zuan);
cuant che il rîs al è cuet, meti la mignestre inte supiere (Giorgio Pascoli, Il Litum: jerbis salvadiis te cusine)
-
scudiele individuâl par meti dentri la mignestre o altris pitancis:
la supiere piçulite, la mari, dopo gustât, la meteve vie come une relicuie salvade (Novella Cantarutti, La supierute)
-
cuantitât di robe tignude in chel recipient o in chê scudiele:
a cualchidun di chei plui svelts, forsi di chei che vevin biel slovade la prime supiere [di rîs], ur sarà rivade incolme ancje la seconde (Giovanni Gortani, A la sagre di Mion)