Dizionari de Lenghe Furlane

superstiziôs  su|pers|ti|zi|ôs  [CO]

1. adi. de superstizion, che si fonde su la crodince te conession sorenaturâl tra events, intal efiet sorenaturâl di entitâts che no esistin o di compuartaments o rituâi che a àn un valôr dome simbolic:  un suspiet superstiziôs che ur faseve dâ la colpe di dut chel infier al cjant des çuvitis (Roberto Ongaro, Il pecjât di Mosè)
2. adi., s.m. che, cui che al crôt te conession sorenaturâl tra events, intal efiet sorenaturâl di entitâts che no esistin o di compuartaments o rituâi che a àn un valôr dome simbolic:  il superstiziôs, / che a Udin no 'nd è pôcs, / l'oleve sostignî che eri striât (Pieri Çorut, Il Strolic furlan par l'an 1847); "Alore, parcè no ûstu che ti conti i siums?" i domandà jê [...] "O soi superstiziôs..." (Jolanda Mazzon, Fûr di timp)