sugjerî
su|gje|rî
[CO]
-
v.tr.
fâ savê o ricuardâ a cdn. ce che al varès di dî o di scrivi:
"Sì, miei fedêi .... za .... come che al diseve / de glesie chel grandissin luminari... / Cui mo?... Nol ven... Spietait un momentin..." / Il clericut, un sbit dal Seminari, / i sugjerìs sot vôs: "Sant Agostin!" (Emilio Nardini, Lis predicjis dal plevan di Sant Jacum)
-
[CO, TS]
teatr.
ricuardâ a un atôr di teatri lis batudis che al à di dî, disintjes a vôs basse di un puest che il public nol pues viodi:
jo po o scugnivi fâ di dut [pal spetacul]: insegnâ, corezi, fâ lis parts, sugjerî, trucâ, preparâ lis senis (Pieri Somede dai Marcs, In teatro)
-
v.tr.
dî a cdn. ce che al à di fâ:
"Culì nol è vignût di bessôl: al è stât sugjerît" (Dino Virgili, La aghe da pît la cleve)
-
v.tr.
proponi une azion, une soluzion, une opzion:
e sence jessi spiziâr ne miedi / a tant malan vuei sugjerî il rimiedi (Pieri Çorut, Il Strolic furlan par l'an 1821);
la ortografie adotade e je sussetibil di ducj i meioraments che sugjeriran personis competentis (Achil Telin, La Patrie Ladine, I, 1)
-
v.tr.
ancje cun subiet inanimât, fâ pensâ, fâ dedusi:
un rincjin, un braçalet e un medaion a sugjerissin di pensâle tant che une siore elegante, salacor de buine borghesie, braurose dal so stât sociâl (Angelo Floramo, Storiis che a nassin di bleons e di maiis. Puartis viertis sui siums)