stue
stu|e
[AF]
-
s.f.
implant sierât, pal solit di modon, di maioliche o di ghise, li che dentri si fâs fûc par scjaldâ un ambient:
tal cjanton la stue, sclopetant ogni tant tor di un çoc, e scjaldave chê stanziute (Pieri Menis, Sul agâr);
Eliseo al si tirà dongje une vecje stue di modons e si scjaldà lis mans un moment (Carlo Sgorlon, Prime di sere)
Var. stuve
-
stanzie, ambient li che al è chel implant:
biât sjiôr Piari al entrà subit ta stua, al tirà four da una cridinza un libri grant coma un messâl e al cjatà tar un lamp la mê partida (Anonim, Lu fouc voladi)
-
implant che al scjalde doprant no il fûc ma une altre energjie:
cemût che o suspiravin / la vilie di Nadâl! / Chel çoc che al art e al cise / poiât sul cjavedâl! / Vuê inveze stuis a eletric, / a gas, termosifon; / colpe il progrès, la nape / e à scugnût la in pension (Zaneto, Nadâl)
-
s.f.
[TS]
zoot.
tal arlevament dai cavalîrs, implant che cul cjalt al cope la crisalide te galete e po dopo le suie:
cun chês bielis, di colôr dal aur e lustris, o jemplavin grancj zeis che il nono al varès puartât jù biel prest a Cividât dulà che e jere la racuelte e la stue (Eleonora Galli, Piçulis storiis)
-
s.f.
aparât par secjâ, par suiâ cierts prodots
-
s.f.
implant par sierâ in maniere artificiâl une aghe corinte, par regolâ la cuantitât dal flus, soredut par menâ lis taiis:
une volte dut il paîs si deve dongje par disboscâ, fâ lis stuis te aghe dal Citon par parâ jù il legnam (Alan Brusini, Gian Paolo Linda, I forescj);
lis taiis di menâ jù a jerin ingrumadis sot de stue (Mauro Pascolini, Andrea Guaran, La mont furlane)