sterilizâ
ste|ri|li|zâ
[CO]
-
v.tr.
eliminâ i microorganisims e impedî la lôr riproduzion:
al tache a rangjâ chês vecjis [plachis di culture bateriche] intun contignidôr cuntun disinfetant (par precision si trate di lysol) prime di lavâlis e sterilizâlis (Romano Locci, La discuvierte dai antibiotics. Peniciline: l'antibiotic che al à stentât a nassi)
-
v.tr.
fâ che un individui nol sedi plui fertil
Cfr. cjastrâ
, spadâ
-
v.tr.
(fig.)
fâ che alc nol vedi vivôr, che nol produsi consecuencis no desideradis:
cun cheste aministrazion, ma ancje cun chê di prime, no ai notât cheste volontât di "sterilizâ" il Friûl e la furlanetât (Federica Forgiarini, Culture? "Senza ritorno")
