statistic /-tìs-/ sta|tis|tic [CO, TS]
- adi. sient. de misurazion, de racuelte di dâts numerics che a permetin di studiâ fenomens coletîfs: e je stade aprofondide la analisi dai dâts cun tecnichis plui sofisticadis, cun chê di meti in lûs lis conessions internis plui significativis dal pont di viste statistic (Linda Picco, Ricercje su la condizion sociolenghistiche dal furlan); a mancjin dâts statistics su la situazion dal furlan a Colonia Caroya, in ogni câs par tancj aspiets e je une evoluzion paralele a chê in Friûl (Sandri Carrozzo, Un paîs furlan in Argjentine: Colonia Caroya)
- s.m. sient. studiôs di statistiche, studiôs che si dediche ae misurazion di fenomens coletîfs: par ogni economie nazionâl i statistics dal WEF a calcolin la fuarce competitive (Attilio Celant, Il rûl economic dal turisim in Italie)