statâl
sta|tâl
[FO]
-
adi.
dal stât tant che istituzion politiche:
il marxisim, che al veve afidât la dissoluzion dal stât ae lote di classe, al à vût tant che risultât un rinfuarciment dal aparât statâl (Fabian Ros, La invenzion dal stât);
lis nazionalitâts proibidis, lis comunitâts storichis ven a stâi che, cundut che a àn carateristichis nazionâls propriis, no son rivadis a dâsi une configurazion statâl (Adrian Cescje, Memoriis di politiche linguistiche)
-
che al dipent dal stât, che al è sot il control, la aministrazion e la cuviertidure finanziarie dal stât:
tal stes an, il sindic Agnul Candolin, democristian, al sburte par vê in citât un Conservatori musicâl statâl, il Tomadini (Angelo Floramo, Cuintristorie dal Nûfcent 1980-1990);
la scuele de infanzie "C. Collodi" di Madrîs e je une des dôs scuelis de infanzie statâls dal Comun di Feagne (Alessandra Burelli, Educazion plurilengâl tes scuelis furlanis)
-
che al vâl par dut il teritori dal stât, che al rivuarde ducj i citadins:
il numar di iscrits al è cetant plui impuartant par un partît teritoriâl che par un partît organizât su base statâl (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
-
adi., s.m.
che, cui che al lavore tant che dipendent dal stât:
no tu âs la tessare dal Partît Nazionâl Fassist? Se tu sês un statâl tu pierdis il puest (Angelo Floramo, Cuintristorie dal Nûfcent 1920-1930);
[un acuardi sindicâl] al garantìs un premi di doi mil francs in dì a chei statâi che a cjaparan l'orari sul seri (Riedo Pup, Doi mil francs di puntualitât)
-
adi., s.f.
strade di trafic impuartant che e je sot de jurisdizion dal stât:
la sirene si le sint a clâr: no cor vie pe statâl, par lâ bande l'ospedâl: e ven in paîs (Gianluca Franco, Cuant che l'Istât al finìs - Ogni etât la sô maravee);
il stradon di campagne che al menave su la statâl al jere scjavaçât, a un ciert pont, di un fossalat (Franca Mainardis, Il sium di Lissandri)