stagnâ
sta|gnâ
[CO]
-
v.intr.
di aghe o altri licuit, o ancje di aiar, di fum, odôr e v.i., restâ fer, no cori:
tai cjamps la tiere no rivave a supâ dute la aghe, che e stagnave in pocis simpri plui largjis (Carlo Sgorlon, Ombris tal infinît);
ta chel aiar tombadiç e frêt al stagnave odôr di spagnolet e di cusine (Alan Brusini, Gian Paolo Linda, I forescj)
-
v.intr.
(fig.)
ancje di cundizion, situazion, fenomen e v.i., restâ fer, restâ compagn, resisti:
il cidinôr al stagnave ancjemò dome tai lûcs plui indaûr; lis plaçutis, i çocs, i barachins si implenavin dal vosarili usuâl (Dino Virgili, La aghe da pît la cleve)
-
v.tr.
fâ che un licuit nol vegni fûr, soredut in riferiment a pierditis di sanc o di altris fluits dal cuarp:
a i vignè un grant spovent a barba Zuanin da tacâi sanc di nâs che a na podevin stagnâlu (Novella Cantarutti, La strada di chel atri mont);
i veve mandât a domandâ jerbis par stagnâ une mosse di cuarp (Maria Forte, Il Bide di Miot)
-
v.tr.
cuvierzi di stagn, soredut par comedâ un fonts di un recipient:
saran stâts plui di un sîs di lôr [zingars] che, ogni dì, lavin a cuei sù par Gurissa imprescj di ram par justâju o par stagnâju (Ranieri Mario Cossâr, Il singar gurissan)
-
saldâ cul stagn
