sportel
/-èl/
spor|tel
[AF]
-
s.m.
tai uficis publics, tes bancjis, tes puestis e v.i., postazion di lavôr di un impleât che al à a ce fâ cul public, dispès dividude dal utent di un veri o sim.:
vêso mai viodût i furlans denant dai sportei, cuant che a cjatin dut un gredei, dut ingolfât, dut intrigât, dut complicât? (Riedo Pup, I furlans e i talians)
Var. spuartel
-
ufici locâl di une struture plui grande:
intun comun piçul al siere l'ultin sportel di bancje, e par chel nol reste plui nancje un bancomat par tirâ fûr uns cuatri euros (Barbara Cinausero, Buteghîrs e ristoradôrs a daran fûr bêçs licuits)
-
ufici o pont di informazion, di promozion, di assistence o di contat jenfri un utent e une struture:
o sin lâts li dai centris di scolte de Caritas di Udin. Un sportel e une linie di telefon simpri vierte a pro dai ultins (Oscar Puntel, Numars utii… e par furlan?);
il sportel al furnìs ancje informazions su la normative di tutele de lenghe furlane e plui in gjenerâl des minorancis linguistichis (Redazion La Patrie dal Friûl, Furlan in Comun: il sportel linguistic di Udin)
-
s.m.
piçule puarte di un aparât o di un veicul, viôt portele
:
la stue e scotave, e daûr dal banc al jere cualchi toc di agacie, ben sec e sclapât. Eliseo al vierzè il sportel. Flame no 'nd jere plui, ma dome un côl di boris rossis (Carlo Sgorlon, Prime di sere);
finalmentri, i berlà al so compagn che al spietave cul sportel [dal avion] spalancât: "Okay! " Un salt tal vueit, une grampade di seconts tal scûr a dute buride (Roberto Ongaro, Il muc)