speculazion /-òn/ spe|cu|la|zi|on [CO]
- s.f. resonament cun elements di osservazion e di astrazion che al cîr di interpretâ e capî, ma che al à conclusions che a restin a nivel teoric o ipotetic: la rapresentazion sientifiche de realtât e deventave plui precise e complete, comprimint il spazi de superstizion e de speculazion filosofiche (Sergio Cecotti, Teologjie algjebriche)
- s.f. invistiment di bêçs par otignî un vuadagn, ancje cence tignî cont di efiets negatîfs sul complès economic, sociâl, culturâl, uman e v.i.: nol dislassave mai di scrivi, e di vosâ, cuintri la speculazion sui terens e su lis cjasis (Agnul di Spere, Un de maiorance); investî in operazions riscjosis, caraterizadis de inciertece e de speculazion, al è paragonât al zûc di azart (Chiara Segrado, La bancje islamiche... no sbancje)