speculâ
spe|cu|lâ
[CO]
-
v.tr.
[BF]
cjalâ cun atenzion e cun volontât di capî:
pal timp nol covente nancje speculâ il cîl, che tal sigure plui voltis in dì il casselot (Antoni Beline, Rogazions)
Var. spiculâ
-
v.intr., v.tr.
fâ un resonament, soredut cirint di capî alc:
a speculavin suntun gno afiet riscôs pe vedue (Eugjeni Marcuç, Cjase grande)
-
v.intr.
cirî di otignî un vuadagn, ancje esagjerât, di afârs, invistiments, renditis e v.i.:
oh triste conclusion dal progrès! / Chescj cuatri dîs di lunc speculâ di interès / e bramâ dome e simpri di gjoldi, e roseâsi / se un altri al gjolt (Ercole Carletti, Guere!);
a si ingrassevin speculant su li strussiis dai puôrs (Nelso Tracanelli, Prin di Mai)
-
v.intr.
cirî di sparagnâ, di spindi pôc
