sorevivence
/-vèn-/
so|re|vi|ven|ce
[AF]
-
s.f.
il la indevant a vivi, massime daspò de muart di altris personis o daspò di un pericul o in cundizions di dificoltât:
in sumis vite strente al struc: lavôr, sorevivence, muart e, cuant che al è pussibil, amôr (Gianni Gregoricchio, Îr e doman)
-
di animâi, speciis e v.i., il lâ indevant a vivi o a esisti, soredut frontant cundizions di dificoltât:
la agressivitât e je un compuartament indispensabil pe sorevivence di un organisim e si cjate in ducj i animâi (Franc Fari, Eric Pascul, Autonomie e democrazie, i numars de socializazion umane)
-
ancje di elements inanimâts o imateriâi o fenomens e v.i., il lâ indevant a esisti:
testemoneâ la lôr convinte fede te sorevivence de identitât culturâl furlane (Riedo Pup, Fûr che al vegni cui che al è stât);
al deventave necessari, pal disvilup e pe sorevivence de imprese, slargjâ lis ativitâts e specificâlis miôr (Max Mauro, Un Friûl difarent: i 90 mhz di Onde Furlane)
-
s.f.
permanence intun mût di esistence cence interès e slançs:
chest al è un sabida di seras un cualuncue al gno paîs / cuant che al riva Atom e al è dificil restâ achì e restâ vîfs / students e migrants a son lâts e al taca il timp da paziença / finida la Astât e la vita / a taca la soravivença par chei pôcs che a son restâts (Giorgio Ferigo, Sabida di sera)
-
s.f.
pratiche che in origjin e jere di utilitât militâr, e po dopo sportive, di alenâsi a sorevivi cun pôcs imprescj e cence tecnologjie in zonis salvadiis, desertis o pericolosis:
un cors di sorevivence