sonoritât so|no|ri|tât [CO]
- s.f. cualitât di ce che al sune, che al fâs sunôr o che al rimande o al trasmet i suns: e i palcs sierâts, tipics dai teatris a la taliane e pensâts plui par resons sociâls, a patissin plui dal pont di viste acustic da la lôr separazion da la sale, cuntune diminuzion grande da la sonoritât (Sergio Pratali Maffei, Dai spazis teatrâi storics)
- s.f. complès dai suns tipics di une musiche, di un strument, di une lenghe e v.i.: fâ une musiche alternative e puartâi al grant public sonoritâts diviersis di chês che a son tes classifichis (Mauro Missana, Robert Miles from Friûl)
- s.f. [TS] ling. proprietât dai suns che si produsin ancje cuntune vibrazion des cuardis vocâls: in posizion finâl la oposizion di sonoritât si neutralize (Franco Finco, Fonetiche e fonologjie dal furlan centrâl)