solecitazion /-òn/ so|le|ci|ta|zi|on [CO]
- s.f. domande, ancje e soredut ripetude, o altre azion par otignî che cdn. al fasi alc in curt o che al dedi alc in curt: une solecitazion par che lis istituzions francesis e chês talianis a rivin pardabon ae ratifiche de Cjarte dal Consei de Europe (CdE) e je rivade ancje de bande de Assemblee gjenerâl dal NPDL (Marc Stolf, No son dome Grecie e confins. Il NPLD al propon une "road map" pes lenghis e pai dirits)
- s.f. [CO, TS] fis. azion di une fuarce che e cambie il stât di un sisteme
- s.f. [CO, TS] med., biol. stimul fisic, chimic o di altre sorte che al prodûs o al pues produsi une reazion dal organisim o di un orghin: no ducj i pazients a rispuindin a lis solecitazions (Carli Morandin, Interviste a Attilio Maseri)