socialist
/-ìst/
so|ci|a|list
[AF, TS]
-
adi.
polit., filos.
di idee, concezion politiche e v.i., che e interprete lis dinamichis sociâls, economichis e storichis te clâf de rimozion des injustiziis sociâls, in oposizion al capitalisim e al sfrutament de classe proletarie:
par lis sôs ideis socialistis al fo perseguitât dai fassiscj e al si gjavà la vite intal 1924 (Elio Varutti, Il suicidi dai furlans)
Sin. socialistic
-
adi., s.m.
che, cui che al va daûr di une ideologjie o di un partît che si propon di ordenâ la societât in maniere alternative al sisteme capitalistic borghês, soredut cul coletivisim te produzion e te distribuzion dai bens:
la int e finì cul intropâsi in cuatri partîts: chel liberâl, chel socialist, chel comunist e massime chel de democrazie cristiane (Francesc Placerean, Cuintristorie dal Friûl dal 1866 fint in dì di vuê);
si veve procedût a internâ chês personis che a vignivin consideradis pericolosis pal morâl o par chel che o podaressin clamâ il front interni; si tratave pal plui di pacifiscj, socialiscj e predis (Carli Pup, La seconde Irlande)