socialisim /-lì-/ so|ci|a|li|sim [CO, TS]
- s.m. filos., polit., econ. complès di ideis e concezions che a interpretin lis dinamichis sociâls, economichis e storichis te clâf de rimozion des injustiziis sociâls, in oposizion al capitalisim e al sfrutament de classe proletarie, e complès di moviments e sistemis che a cirin di meti in vore chês ideis: "O si è unîts o si à piardût in partence. Altri che viis nazionâls al socialisim!" (Lelo Cjanton, Il diaul a colôrs); "Vonde Parons, vive il socialisim!" (Stiefin Morat, Microrivoluzions); e alore tu sês scjampât par fâlu sù di une altre bande, chel socialisim che al puartarà il mont in miôr (Raffaele Serafini, Contis sot spirt)
