smuarse smuar|se [CO, TS]
- s.f. marang., artes., mec. dispositîf, pal solit fissât tal desc, che cuntune vît al permet di regolâ la distance tra dôs parts che a van a strenzi un toc di lavorâ: dopo vêlu metût te smuarse [un toc di len di agacie] lu sgjavà par lunc cuntun scarpel (Carlo Sgorlon, Prime di sere); mal viôt ancjemò vuê dì, Pieri a cavalot de smuarse di len, plet tant che un buinç, a slissotâ cul sdris, cu la raspe, cu la splane, i siei ristiei che a varessin vût di durâ par in vite (Nin dai Nadâi, Pieri ristiele)
- s.f. (fig.) ce che al strenç a fuart: [l'ordenament regjonâl] al à podût presentâsi al paîs cuntun fregul di implant nome in chel moment che la smuarse centrâl [...] no podeve strenzi ne tignî (Josef Marchet, Autonomie e moralitât); alore la smuarse de disperazion e molave un pôc (Maria Forte, Cjase di Dalban); il brût i lave jù pal cuel sfantant il grop che lu veve strent intune smuarse di dûl (Mario De Apollonia, Il timp par ledrôs)