sivilade
/-à-/
si|vi|la|de
[AF]
-
s.f.
sun lunc e acût che si fâs soflant e strenzint i lavris, par clamâ, par dâ un segnâl, par passetimp, par pandi disaprovazion o al contrari aprovazion e v.i.:
la comedie e je lade benon: un ridi, un vosâ, un bati lis mans, e magari ancje cualchi sivilade di ligrie i dave fuarce ai zovins di fâ ben la lôr part (Pieri Somede dai Marcs, In teatro);
il burlaç si ingrope in cîl: / no vuacadis pe campagne, / e pe vile no un sivîl. / Siviladis vie pe vile / cuant che o levi a fâ l'amôr / e vuacadis pe campagne, / e vosadis tal sgjarnôr! (Bindo Chiurlo, Buine sere cjase scure)
Sin. sivîl
Var. sivulade
Cfr. ciul
, ciulade
, vuic
, vuicade
-
sun fat soflant dentri di un sivilot:
il Crotone al prove a zovâsi de superioritât numeriche e al va in pressing fin ae sivilade finâl, ma il risultât nol cambie (Marc Stolf, Crotone - Udinese 1-2)
-
sun lunc e acût fat di un animâl o ancje di un element naturâl o di un imprest o dispositîf:
chel arbul sflurît a gnôf l'è plen di siviladis di uciei, che ti zornin e ti cjantin che l'è un gust (Dolfo Zorzut, Blancjuteflôr e el zuiadôr);
il temporâl al seguite a fâ la montefin: la ploie a cîl aviart, il vint che al mole berlis e siviladis, e po un lamp tocje chel altri, e par enfre vie folcs e saetis che molin sclops dal impossibil (Giovanni Gortani, La teme - Une gnot intun cjastiel);
un machinist al vignì infûr de barconete a cjalâ e al sbatacolà il braç, po al tirà la cuardute dal sivilot e al molà une lungje sivilade par trê voltis (Dino Virgili, La aghe da pît la cleve)