sintassi
/-à-/
sin|ta|ssi
[CO, TS]
-
s.f.
ling.
complès dai compuartaments o des normis di une lenghe tal componi lis frasis, tal meti in relazion lis peraulis tra di lôr:
il poete al po, anzit al scugne «inventâsi» la sô puisie dentri di se, al po «sfuarçâ» ta lenghe e «stravuelzi» la logjiche de sintassi, e «creâsi» une sô forme (Josef Marchet, Puisie native);
[tal fâ un corpus etichetât] si à pensât che lis primis bisugnis a jerin chês di fâ un strument che al judàs in particolâr oparis di lessicografie, terminologjie, ricercjis su la sintassi (Sandri Carrozzo, Franz Feregot, La elaborazion di un corpus etichetât de lenghe furlane scrite: esperiments e prospetivis)
-
s.f.
mat.
sisteme di struturazion coret des formulis matematichis
-
inform.
sisteme di formulazion des istruzions di un program informatic:
tradusi la tabele in Word, cu la sô sintassi informatiche, in altris schedis che a varan di leilis i programs di visualizazion e gjestion des funzions dal Grant Dizionari (Adrian Cescje, Memoriis di politiche linguistiche)
-
s.f.
(fig.)
sisteme di composizion di une opare artistiche:
un filmât che si môf biel planc. La sintassi e je complesse: e met adun segments autonoms (Erika Adami, Un voli su la culture furlane)