sinonim /-ò-/ si|no|nim [CO, TS]
- s.m. ling. peraule o espression che, intune stesse lenghe, e à il stes significât di une altre: si tint a considerâ "Stât" e "nazion" tant che sinonims e chest al vâl ancje par "citadinance" e "nazionalitât" (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât); un dizionari dai sinonims e dai contraris (Adrian Cescje, Memoriis di politiche linguistiche)
- s.m. (fig.) element che al è ecuivalent di un altri o che al impliche un altri: cui che al pense che la bande e sedi sinonim di musiche di basse cualitât al à di ricrodisi (Erika Adami, Lis bandis a cjalin indenant)