sierande /-à-/ sie|ran|de [CO]
- s.f. struture mobile, fate pal solit di plachis di metal articoladis, che si tire sù e jù come une persiane, par vierzi e sierâ puartis e barcons di buteghis, rimessis e altris ambients che a vedin bisugne di plui protezions di chê dade dome di une puarte: Zuanut al tirà jù la sierande e si butà malât (Pieri Menis, Il «comandatôr»); al à fat montâ une siarande gnove che si tire sù e jù a eletric (Vico Bressan, Scaiis - Il Strolic furlan pal 1992); il sun de sierande di metal de rimesse che e sdrondene sù (Spirt Anonim, Il piçul ream)