si1 si [FO]
- pron.pers. forme atone pe tierce persone singolâr e par dutis lis personis plurâls, doprade cun verps riflessîfs e pronominâi: al jere stât visât di chê fieste ma si veve dismenteât (Amedeo Giacomini, Tal ospedâl); Mie di Ponte no si jere mote, come incantesemade (Pieri Menis, Chei di Muraie); cuant che al sarà il moment just o vignarai li di te. Si volarìn tant ben e o sarìn une robe sole (Agnul di Spere, Chê dì che al neveà a Vignesie); si sêso mai domandâts ce sens che e à la nestre vite […]? (Francesc Placerean, Cuant che a un popul i gjavin la sô lenghe in glesie, al è pront par jessi soterât); si fermavin oris a fevelâ fra di lôr, sot vôs (Maria Forte, Cjase di Dalban)
- pron.pers. in costruzions impersonâls o passivantis, cun verp in tierce persone: culì si resone… Si dîs chel che si dîs par sclarî lis ideis e decidi, pal miôr, cemût compuartâsi… (Alviero Negro, Int di masnade); si sta pôc a fevelâ, bisugne provâ! (Riedo Pup, Oh giornate del nostro riscatto!); si fasevin i fens: un cjalt che al brusave la anime, e lis zornadis plui lungjis dal an (Catarine Percude, Pe bocje si scjalde il for)