Dizionari de Lenghe Furlane

sgrisul³  /-ì-/  sgri|sul  [CO, TS]

1. s.m. ornit.com. uciel dal gjenar Turdus, lat.sient. Turdus iliacus:  al jere stât a fâ la vuaite aes sôs archetis tal Pralunc, e si veve implenade la gaiofe di scriçs, di culets, di parussats, e fintremai un mierli e un sgrisul al veve cjapât (Pieri Menis, Il fi de Rosse)
   Var. scrisul²
2. s.m. persone piçule e magre:  al mi capità in cjase un sgrisul di predissut in compagnie di un siôr, vignûts difûr vie cul automobil (Josef Marchet, Lis predicjis dal muini)
   
   1. adi. che al è piçul e magri:  barbe Tin al passave ducj [di altece], tant che di zovin lu clamavin «il pâl dal agnel» […]. La sô femine, agne Vigje, dongje di lui e someave une pipine di peçot, di tant che e jere sgrisule (Pieri Menis, Lis çuculis dal Gjigjo)
3. s.m. cuantitât une vore piçule:  si tratarà di cagneris, ma se almancul un fregul di risultât, un pôc di respîr, un sgrisul di benefici nol fos in viste, no si sintarès cun tant bordel a sunâ lis trombetis dal Risorziment (Josef Marchet, Dutis lis panzis plenis cuintri l'ordenament regjonâl)