sgagnî
sga|gnî
[AF]
-
v.intr.
dai cjavai, fâ il lôr viers tipic, lunc e fuart:
cuant che e tache la rive jù i cjavai a son gnervôs, mancje pôc che si ombrissin, po a tachin a sgagnî (Carli Pup, Tal mieç dal vât);
[il cjaval] al pestave cu lis çuculis il pedrât dal curtîl, e al sgagnive pe voie di trotâ in libertât (Carlo Sgorlon, Il dolfin)
Sin. gagnî
, gningulî
, sgavarî
-
v.intr.
ridi fuart, soredut in maniere sarcastiche o maliziose:
jucant e sgagnint plens di mafie chei laris a tornarin cjase a fâ cjoche (Josef Cjargnel, La mont cu la spice discrodeade);
Jacum, il muredôr, al sgagnive come un mat, contenton de sô baronade (Pieri Menis, Il fiâr dal plevan)
Sin. sgavarâ
, bacanâ
, ridaçâ
-
v.tr.
dî fûr ridint in maniere sarcastiche o maliziose:
"Cagadis! …" al sgagnive il Ghigne "Se no ai vude pôre in Boemie dal '48, aio di vê pôre a Udin mo, che o soi a cjase mê…" (Dino Virgili, La aghe da pît la cleve)
-
v.intr.
ridi, o ancje vaî, sot vie:
une schirie di spucetis e di siorets, che si son metûts di ca e di là, e par dut il timp no àn fat nuie altri dome che cisicâ e sgagnî (Josef Marchet, Lis predicjis dal muini)
-
v.tr.
dî parsot, in maniere maliziose:
"Il diaul a messe, cun ducj i diaulins!" e sgagnive la int cu la muse platade (Dino Virgili, La aghe da pît la cleve)