sfodre
/-ó-/
sfo|dre
[CO]
-
s.f.
sart.
tiessût lizêr di protezion o ancje strât di imbotidure dentri di un vistît:
alore i Todescs cun tant di prontuari di medicazion i stagnin il sanc e cu la sfodre dal gaban di Min i fermin il comedon (Ivano Urli, Storie di Min)
Sin. fodre
-
s.f.
tiessût difûr di un cussin, di un stramaç e v.i.:
a 'nd è diviersis [di machins Škoda] cu lis sfodris tigradis, di pêl, dai colôrs vîfs, sul blu e sul bordeaux (Checo Tam, Praghe, "mater urbium")
Sin. fodre
Cfr. intime
, intimele
-
s.f.
contignidôr par armis di tai:
[il patriarcje] al ricevè in don dal Vicedean la spade, simbul de sô signorie temporâl, che al metè vie inte sfodre blancje (Diego Navarria, Cuant che la Messe dal Spadon si diseve in plui bandis de Patrie)
Sin. fodri
, fodre
-
s.f.
contignidôr protetîf ancje par robis che no sedin armis di tai
Sin. fodre