sfilade /-à-/ sfi|la|de [CO]
- s.f. passaç di personis, o in cas ancje di veicui, soredut par fâsi viodi e amirâ, par manifestâ e v.i.: la nestre compagnie e je stade a sfilâ a Rome, inte sfilade militâr nô o jerin come alpins schiadôrs, vistîts ducj di blanc (Mario Beltramini, Jo e Graziella); a domandavin al comun di organizâ une sfilade di carnevâl (Bete di Spere, E dopo la ploie, ducj in mascare!)
- s.f. (estens., fig.) schirie di plui elements, sedi materiâi che imateriâi, ancje se no si movin: [la vile di Sant Pieri] tun borc in se ristrete / di ca di là de strade / presente une sfilade / di cjasis e palaçs (Toni Broili, I trucs furlans. Ombre di lunari par l'an 1851)