setemanâl se|te|ma|nâl [CO]
- adi. che al sucêt une volte par setemane o che si organize daûr di dadis di timp di une setemane: Jacum tal so zîr setemanâl al veve ancje il marcjât di Palme (Angelo Covazzi, Jacum dal judiç)
- adi., s.m. publicazion o trasmission che e ven fûr une volte par setemane: al jere un sfuei setemanâl, fat pai soldâts, stampât a Rome (Pieri Menis, Cemût che o soi restât caporâl); un setemanâl talian, une vore let, al à publicât un dossier su la coruzion in Italie (Riedo Pup, Il scudet te sachete)