sessuâl
se|ssu|âl
[CO]
-
adi.
dal ses, de distinzion in gjenars, che si fonde su la distinzion in gjenars:
il fenomen plui grâf e plui clâr al è chel de discriminazion sessuâl, che al tocje la plui part de popolazion (Sandri Carrozzo, Planificazion linguistiche tal mont de sanitât)
-
adi.
[CO, TS]
biol.
di riproduzion, che e gjenere un gnûf individui cul contribût gjenetic di doi individuis gjenitôrs, un individui masculin e un feminin:
cu la riproduzion sessuâl i singui individuis a puartin cun se il gjenome di diferents gjenitôrs ma a cressin diferents dai gjenitôrs (Lorenzo Marcolini, Recension di La scienza non ha bisogno di Dio)
Sin. sessuât
-
adi.
dal ses tant che funzion e ativitât riprodutive:
il testosteron al è un ormon che al coordene il disvilup sessuâl (Franc Fari, Eric Pascul, Autonomie e democrazie, i numars de socializazion umane)
Sin. riprodutîf
-
adi.
dal ses tant che ativitât erotiche:
trê coparis a lassin daûr di lôr une ferade di distruzion, di aventuris sessuâls consumadis o reprimudis, di bevudis e di violence cence reson (Fabian Ros, A esmorga)
Sin. erotic