session /-òn/ se|ssi|on [CO]
- s.f. incuintri o schirie di incuintris concentrâts intune dade di timp, li che plui personis si fevelin par frontâ cuistions, cjapâ decisions e v.i.: la session costitutive dal gnûf parlament european e je fissade pai 20 di Lui (Alessio Potocco, La Europe al voto par il parlament)
- s.f. schirie di incuintris concentrâts intune dade di timp li che si fasin ciertis ativitâts che a compuartin un dialic, un confront, soredut in riferiment a esams di scuele o di universitât: 36 students su 40 a àn cjapât il deplome te prime session (Redazion La Patrie dal Friûl, Plurilenghisim e multiculturalitât: il patrimoni plui speciâl de Patrie)
- s.f. incuintri di un client o di un pazient cuntun professionist: une session di ipnosi (Franc Fari, Neurosiencis dal dolôr)
- s.f. esecuzion musicâl fate di plui musiciscj, in gjenar pôc formâl o tant che element singul intune manifestazion plui grande: tambûrs e arcs di altris timps par une session acustiche (Checo Tam, La maree nere)