sessante
/-à-/
se|ssan|te
[FO]
-
s.m.
numar che al corispuint a sîs desenis di unitâts e segn che al rapresente chel numar
-
adi.num., pron.num.
in cuantitât di sîs desenis, ancje cun valôr sostantivât o cun sostantîf sotintindût:
no pues fâ di mancul di confrontâ il mont di za sessante agns, cun chel di cumò (Josef Marchet, Lis predicjis dal muini);
bevisi dute la scuadre aversarie corint par sessante metris e je dabon une robe cosmiche (Stiefin Morat, Donald dal Tiliment);
a àn menâts dentri un sessante di lôr (Alviero Negro, Int di masnade)
-
adi.num., s.m.
ancje cun valôr di ordenâl o identificatîf intune serie o intune categorie
Sin. sessantesim
-
s.m.
il sessantesim an dal secul:
il Sessante ur veve tornât a impiâ il sanc de stesse fiere (Maria Forte, Cjase di Dalban)
-
adi.inv.
de desene di agns che a van dal sessante al sessantenûf, a voltis cu la iniz. maiusc.:
mi ricuardi ben cuant che, tai prins agns Sessante, a son rivadis tal gno paîs lis primis machinis e la television (Franc Fari, Il cjâf dai furlans)
Proverbis:
- i gjenitôrs a àn il dovê di mantignî i fis fin che a àn sessante agns finîts; e po passâur il tabac
- lis feminis a contin vincjenûf e un sessante
- passâts i sessante agns si torne fruts