serenade
/-à-/
se|re|na|de
[CO]
-
s.f.
mudament dal timp che al devente seren, biel, cence nûi o perturbazions:
ce biele serenade! sul moment / e si viôt la campagne a mudâ ciere (Pieri Çorut, Il Strolic mezan. Pronostic par l'an 1856);
di gnot, se e ven une biele serenade, e torne un fîl di glace, e la zilugne e da une pinelade di blanc lusint in ogni sît (Renzo Balzan, La Viarte in Cjargne)
-
s.f.
[CO]
sunade o cjantade sentimentâl, fate la sere sot dal barcon di une femine che e plâs:
a tornavin a cjase strachis di fadie e di ligrie e a lavin a durmî adore, spietant la serenade dal morôs (Pieri Piçul, Vieri e gnûf);
Cide cul viulin e Toni Folope cu la ghitare e stevin fasint la serenade a une fantate sot il so barcon (Alan Brusini, Amîs come prime)
-
[CO, TS]
mus.
composizion musicâl culte che si ispire al sunâ e cjantâ dal inamorât sot dal barcon de inamorade:
apassionât di musiche e di cjant, al componè un grant numar di vilotis, romanzis, serenadis, imnis (Redazion La Patrie dal Friûl, Celso Cescutti: la creativitât a brene vierte)