sentimentâl
sen|ti|men|tâl
[AF]
-
adi.
di sintiments, spec. di chei amorôs:
tu sês a stâ in cjase cui tiei, tu âs un stipendi par mût di dî, la tô vite sentimentâl e sta lant a tombolons parcè che no tu âs la disponibilitât economiche par fâ il pas sucessîf (Moira Pezzetta, E il Friûl al vose Vai Fradi: al è il moment di Doro Gjat)
Sin. afetîf
Var. sintimentâl
-
adi.
caraterizât, ancje in maniere esagjerade, di sintiments, soredut romantics:
chê che une volte si clamave religjon popolâr, pierdude dal dut la sô autenticitât, e reste dome rude espression sentimentâl compagn di un prodot di consum (Fabian Ros, Indipendence)
-
adi., s.m.
che, cui che si lasse cjapâ, ancje masse, di afiet, sintiments tenars, zentîi e malinconics:
gno pari, tornant dal funerâl su la carete, lui po che nol jere par nie un sentimentâl, al vaìve disperât (Alan Brusini, Come tai romançs)