senât
se|nât
[AF, TS]
-
s.m.
[TS]
stor.
massim consei politic de Rome antighe, che prin al jere formât dai anzians di classe patrizie e po ancje di chei citadins che a vevin vût cjariis impuartantis tra chês eletivis:
la colonizazion dal Friûl e fo decidude dal Senât Roman tai agns prime dal 181 p. di C. (Enrico Peterlunger, Storie curte de vît in Friûl)
-
alte assemblee politiche ancje in altris realtâts storichis:
a Melchitar e ai siei fraris, che a jerin perseguitâts dai Turcs, il Senât venezian tal 1717 ur veve dât di rifugjâsi te isulute di Sant Lazar (Pierluigi Visintin, Friûl e furlans te Histoire de ma vie di Giacomo Casanova)
-
s.m.
[AF, TS]
polit.
tai stâts modernis cun parlament articolât in dôs cjamaris, la cjamare alte:
l'argoment al è une vore di atualitât, stant che tes setemanis passadis in Senât a àn tornât a lavorâ parsore des propuestis di leç di ratifiche (Marc Stolf, Lenghis, dirits, minorancis e tutele. Pal Stât Talian al è timp di esams);
tal câs des elezions pe Cjamare e pal Senât, i citadins no puedin sielzi il candidât che a àn miôr, par vie che l'ordin al è stât za decidût dai partîts (Comitât 482, Pai dirits linguistics in Friûl - Vignesie Julie 2008-2013)