seminari
/-à-/
se|mi|na|ri
[CO]
-
s.m.
scuele par clerics, scuele che e prepare cui che al deventarà predi:
in seminari al veve imparadis tantis robis, al saveve di morâl e di teologjie (Pieri Menis, Sul agâr);
o lavi simpri a servî messe, cussì il plevan si veve metût tal cjâf che o vevi di lâ in seminari (Jolanda Mazzon, Di là de rêt)
Sin. 'seminari
, 'siminari
-
s.m.
cjatade formative o schirie di cjatadis formativis suntun teme specific, li che ducj chei che a partecipin a presentin relazions o a proponin ativitâts:
e je stade presentade di Paola Poggio une relazion al seminari "Kulturkontakt und Sprachkonflikt in den romanischen Ländern" (tignût dal prof. Dieter Kattenbusch) su lis minorancis linguistichis intal Stât talian (Redazion SFF, Lenghe furlane inte Universitât di Berlin);
il seminari di Teorie dai Numars al jere fissât pes cuatri dopomisdì (Sergio Cecotti, Il President)